البيع أونلاين بالعراق ويا شوبيفاي

شنو يصير عندك

• متجر أونلاين إلك، بالعربي والإنگليزي، يشتغل زين عالموبايل.
• منتجاتك بصورها وأسعارها وخياراتها مثل القياسات والألوان.
• الطلبات توصل بمكان واحد، ويا تنبيه لكل طلب جديد.
• لوحة تحكّم سهلة تضيف بيها منتجات، تغيّر أسعار، وتتابع الطلبات بنفسك.

شلون يدفعون الزباين

الدفع عند الاستلام هو أكثر طريقة شائعة للشراء أونلاين بالعراق، وموجود بشوبيفاي أصلاً.

الدفع بالكارت أو المحافظ الإلكترونية يعتمد على شركات الدفع المتوفرة لمتجرك، وهذا يتغير ويا الوكت. نشيّك شنو ممكن إلك قبل ما نوعدك بأي شي.

شگد يكلّف

شوبيفاي عنده اشتراك شهري تدفعه إلهم مباشرة، عادةً بالكارت، وبهالشكل المتجر يبقى باسمك. بعض الإضافات (التطبيقات) الاختيارية إلها أسعار شهرية: نقترح بس اللي تحتاجه فعلاً.

شغلنا (تجهيز المتجر) يكون بعرض سعر منفصل وواضح.

التوصيل

أغلب المتاجر تشتغل ويا شركة توصيل محلية. الطلبات توصل لمتجرك، وإنت أو شركة التوصيل توصّلونها وتستلمون الفلوس. إنت تحدد مناطق التوصيل وأسعارها، مثلاً حسب المحافظة.

شنو تحضّر

• قائمة منتجاتك: الأسماء، الأسعار، والخيارات.
• صور حلوة لكل منتج (الموبايل يكفي: شوف دليل التحضير).
• وين توصّل وشگد سعر التوصيل.
• سياسة الإرجاع أو التبديل، بكلام بسيط.
• كارت يشتغل للدفع أونلاين، لاشتراك شوبيفاي.